فوتو: pixabay.com
مەجٸلٸس دەپۋتاتى مۇرات ەبەنوۆ اۆيا بيلەتتەردٸڭ باعاسىنىڭ ٶسۋٸنە ەنەرگەتيكا مينيسترلٸگٸن كٸنەلادى. ايتۋىنشا, مينيسترلٸك وتىنعا تاپشىلىقتى قولدان جاساپ وتىر, دەپ حابارلايدى «ۇلت اقپارات» Stan.kz-كە سٸلتەمە جاساپ.
مۇرات ەبەنوۆ بٷگٸندە ەۋە بيلەتتەردٸڭ باعاسى كٶپشٸلٸكتٸڭ نارازىلىعىن تۋدىرىپ جاتقانىن العا تارتتى.
"كٶبٸنە بارلىق شاعىمىمىزدى اۆياكومپانييالارعا ايتامىز. بٸراق ٸس جٷزٸندە كٸنەلٸلەردٸڭ بٸرٸ – ەنەرگەتيكا مينيسترلٸگٸ مەن "قازمۇنايگاز". ٶزبەكستاندا بۇل 200 دوللارعا ارزان. ەلەمدە وتىن باعاسى, ونىڭ ٸشٸندە تمد-دا 300 مىڭ تەڭگە. بۇل مونوپولييالىق جاعداي. "قازمۇنايگاز" جوعارى باعانى ۇستاپ تۇرۋعا مەجبٷر ەتەدٸ. ەكٸنشٸ, ٶندٸرٸس بويىنشا ٶزٸمٸز 600 ٶندٸرەمٸز, رەسەيدەن 200 ساتىپ الامىز. مونوپولييالىق جەلٸنٸ قۇرۋداعى تيٸمسٸزدٸگٸڭٸزدٸڭ ارقاسىندا سٸز قولدان تاپشىلىق جاساپ وتىرسىز. بٷگٸندە باعا جوعارى جەنە ونى تٶمەندەتۋ مٷمكٸندٸگٸ جوق. ٶيتكەنٸ بيلەت باعاسىنىڭ 30% -ى جانارمايدىڭ باعاسى", - دەدٸ مۇرات ەبەنوۆ.
ەنەرگەتيكا مينيسترٸ الماسادام سەتقاليەۆ ٸشكٸ نارىقتا تاپشىلىق بايقالاتىنىن راستاپ دەپۋتاتقا جاۋاپ بەردٸ.
"ٸشكٸ نارىقتاعى تاپشىلىق بويىنشا ينديكاتيۆتٸ بالانستا 500 مىڭ بار. ول ٷلەستٸرۋ جٷرٸپ جاتقان كەزدە قوسىلادى. ياعني, ٷكٸمەتتٸڭ شەشٸمٸنە سەيكەس وپەراتور بەلگٸلەندٸ. سٸز نارىقتى مونوپولييالادىڭىز دەپ ايتاپ وتىرسىز. الايدا ەلٸمٸزدە "قازمۇنايگازدان" باسقا وتىندى ەشكٸم ٶندٸرمەيدٸ. ياعني شارتتى تٷردە مۇناي ٶڭدەۋ زاۋىتتارى جوق", - دەپ جاۋاپ بەردٸ سەتقاليەۆ.
سونداي-اق, ول باعانىڭ ٶسۋٸنە جول بەرمەۋ ٷشٸن بٸرىڭعاي وپەراتور - "قازمۇنايگاز اەرو" قۇرىلعانىن اتاپ ٶتتٸ.
"باعانىڭ ٶسۋٸنە, بەسەكەلەستٸككە جاتپايتىن مٸنەز-قۇلىققا جول بەرمەۋ ماقساتىندا "قازمۇنايگاز اەرو" دەپ اتالاتىن مونوپوليياعا قارسى ورگاندار تاراپىنان باقىلاناتىن بٸرىڭعاي وپەراتور قۇرىلدى. ول بەلگٸلەنگەن باعالار بويىنشا رەتتەلەتٸن تەك وتاندىق اۆياتاسىمالداۋشىلار ٷشٸن كٶلٸك مينيسترلٸگٸنٸڭ شەشٸمٸنە سەيكەس اۆياوتىن جەتكٸزۋدٸ جٷزەگە اسىرادى", - دەپ قوستى سەتقاليەۆ.
سونىمەن قاتار, ەنەرگەتيكا مينيسترٸ قىتاي مەن تٷرٸكمەنستاننان اۆياوتىن يمپورتتاۋ مٷمكٸندٸگٸ قاراستىرىلىپ جاتقانىن ايتتى.
"باسقا حالىقارالىق اۆياتاسىمالداۋشىلار يمپورتتىق بەنزين, اۆياوتىن ساتىپ الادى. يمپورت ينديكاتيۆتٸ بالانسقا سەيكەس دەربەس نەمەسە كەيبٸر كومپانييالار ارقىلى, نەگٸزٸنەن رەسەيدەن جٷزەگە اسىرىلادى. بٸراق باسقا بالامالار بار. بٸز قىتايدان, تٷركٸمەنستاننان يمپورتتاۋ مٷمكٸندٸگٸن قاراستىرامىز. بۇل قىزمەت كٶرسەتۋشٸلەردٸڭ قالاۋى بويىنشا", - دەپ قورىتىندىلادى سەتقاليەۆ.
