Foto: nis.edu.kz
2024 jyldyń 2-toqsanynda QR Joǵary aýditorlyq palatasy kólik, salyqtyq jáne kedendik ákimshilendirý salalarynda, respýblikalyq biýdjettiń eseptiligi bóliginde, sondai-aq bilim berý men densaýlyq saqtaýdyń jekelegen máseleleri boiynsha aýditorlyq is-sharalardy aiaqtaidy, dep habarlaidy «Ult aqparat» inbusiness.kz-ke silteme jasap.
Memleket basshysynyń tapsyrmasy boiynsha Abai, Jetisý, Ulytaý jáne Almaty oblystarynda 2022-2023 jyldarǵa arnalǵan biýdjetterge aýdit júrgizildi. Budan basqa, "Áleýmettik meditsinalyq saqtandyrý qory" KeAQ jáne Almaty qalasy boiynsha tekserý komissiiasynyń qyzmetine baǵa beriledi.
Sonymen qatar Joǵary aýditorlyq palata 2019-2023 jyldary "Nazarbaev Ziiatkerlik mektepteri" derbes bilim berý uiymyna bólingen biýdjet qarajatynyń paidalanylý tiimdiligine aýdit júrgizýdi aiaqtaýda. Atap aitqanda aýdit barysynda NZM-niń respýblikanyń orta bilim berý júiesin damytýǵa áseri taldandy.
2-toqsanda dári-dármekter men meditsinalyq buiymdar ainalysy salasyndaǵy aýditorlyq is-sharanyń negizgi kezeńi aiaqtaldy. Aýdit qorytyndysy boiynsha baǵa belgileýdi retteýdiń tiimdiligine, otandyq farmatsevtikalyq ónerkásiptiń damýyna, sondai-aq "SK-Farmatsiia" JShS biryńǵai distribiýteriniń satyp alý rásimderine baǵa beriletin bolady.
2023 jylǵy salyqtyq jáne kedendik ákimshilendirýdiń memlekettik aýditi sheńberinde Qytaimen "aina statistikasyndaǵy" alshaqtyqtardy azaitý jónindegi sharalardyń nátijeliligin, korporativtik tabys salyǵy boiynsha avtomattandyrylǵan kameraldyq baqylaýdyń tiimdiligin, memleket biýdjetine salyqtyq túsimderdi ulǵaitý jónindegi sharalardyń tolyqtyǵyna jáne t.b. baǵalaý josparlanǵan.
Aýditorlyq is-sharalardyń qorytyndylary men Joǵary aýditorlyq palatanyń tiisti nusqamalary Memleket basshysyna usynylatyn bolady.
