Foto: depositphotos.com
QMA Túrkistan oblysy boiynsha departamenti oblys prokýratýrasynyń úilestirýimen jáne ákimdiktiń atsalysýymen Maqtaaral aýdandyq bilim bóliminiń esepshilerine 1,2 mlrd teńge jáne Báidibek aýdandyq bilim bóliminiń esepshilerine 600 mln teńge kóleminde senip tapsyrylǵan múlikti zańsyz iemdený faktisi boiynsha sotqa deiingi tergep-tekserýdi bastady, dep habarlaidy "Ult aqparat" Qarjylyq monitoring agenttigine silteme jasap.
Búginde atalǵan 2 aýdan boiynsha memleketke keltirilgen shyǵynnyń jalpy somasy - 1,8 mlrd teńgeden astam.
"2020-2023 jyldar aralyǵynda «1S: Býhgalteriia» esep baǵdarlamasynda jalpy bilim beretin mektepter qyzmetkerleriniń kartochkalyq shottary men jeke sáikestendirý nómirleriniń (JSN) ornyna olarmen úlestes tulǵalardyń JSN engizgen aiyptalýshylar anyqtaldy.
Sotqa deiingi tergep-tekserý aiasynda is boiynsha aiyptalýshylarǵa qatysty tergeý áreketteri men tintý jumystary júrgizilip, jyljymaly jáne jyljymaityn múlikke tyiym salyndy.
Qazirgi ýaqytta is boiynsha jaýapkerler 120 mln teńge kóleminde keltirilgen shyǵyndy óz erkimen ótep berdi" - delingen habarlamada.
QR QPK 201-babyna sáikes ózge de málimetter jariia etilýge jatpaidy.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
