Soltústik Qazaqstan oblysyna qarasty Mamliýt aýdanynyń ákimi para alǵany úshin ustaldy. Bul týraly búgin Memlekettik qyzmet isteri jáne sybailas jemqorlyqqa qarsy is-qimyl agenttiginiń resmi ókili Nurlan Jahin málim etti, dep habarlaidy QazAqparat tilshisi.
«Soltústik Qazaqstan oblysynda aýdan ákiminiń qylmysy áshkere boldy. 1 qyrkúiek kúni Soltústik Qazaqstan oblystyq sybailas jemqorlyqqa qarsy ulttyq biýrosymen júrgizilgen jedel izdestirý sharasy barysynda Mamliýt aýdany ákiminiń paraqorlyq áreketi áshkerelendi. Ákim jalpy qamqorlyǵy úshin JShS direktorynan 185 myń resei rýbli somasynda aqshany para retinde alǵan. Teńgege shaqqanda 1 mln teńgeni quraidy», - dedi resmi ókil.
Onyń aitýynsha, ákim ustalǵan ýaqytta kinásin tolyqtai moiyndady. Sondyqtan qamaýǵa alynǵan joq.
«Paraǵa alǵan aqsha onyń kabinetinen tabylǵan bolatyn», - dedi Nurlan Jahin.
