Foto: ashyq derekkóz
2025 jylǵy 10 qańtarda saǵat 08:00-degi jaǵdai boiynsha Jetisý oblysynda aýa raiynyń kúrt nasharlaýyna barlyq kólik túri úshin "Úsharal – Dostyq" avtojolynyń 84-164-shaqyrym aralyǵynda (Kóktuma aýyly – Dostyq stantsiiasy ýchaskesi) qozǵalys shekteldi."QazAvtoJol" ulttyq kompaniiasy eldegi joldardyń qazirgi ahýaly týraly málimdedi.
Shyǵys Qazaqstan oblysynda tirkemesi bar jáne jartylai tirkemeli júk kólikteriniń qozǵalysy Osinov asýynda ýaqytsha shekteldi. Shekteý "Óskemen – Altai – Katonqaraǵai – Rahman qainary" avtojolynyń 46-66-shaqyrymyndaǵy (Severnoe aýyly – Serebriansk qalasy) ýchaskesinde qys aiaqtalǵansha saqtalady.
Sonymen birge "Astana – Shiderti – Pavlodar – Ýspenka – RF shekarasy" avtojolyndaǵy jolairyqtyń kópir qurylymynyń shetki arqalyqtary zaqymdanýyna bailanysty "Qalqaman" jolairyǵy ýchaskesi jabyldy. Atap aitqanda, Qalqaman kentine kireberis pen Astana baǵytyna shyǵatyn jol ýaqytsha jabyq.
