Aýa raiynyń qolaisyzdyǵyn jol boiynda qalǵan 800-dei kólik iesine kómek kórsetildi. Bul týraly QR Tótenshe jaǵdailar ministrliginiń resmi ókili Talǵat Ýáli málim etti, dep habarlaidy "Ult aqparat".
«Keshe aýa raiynyń qolaisyzdyǵyna bailanysty birneshe respýblikalyq jol qozǵalysyna tyiym salyndy. Atap aitqanda, Nur-Sultan qalasynan Aqmola jáne Qaraǵandy oblysyna shyǵatyn joldar bar. Nur-Sultan qalasynan Shýchege baǵyt alǵan shamamen 270-tei kólik jol boiynda qalsa, kerisinshe Shýcheden elordaǵa kele jatqan 400-dei kólik joldy turyp qalǵan. Osy oraida quzyrly organdar jedel shara qabyldap, jolda qalǵan 800-dei kólik pen onyń ielerine kómek kórseti. Odan bólek, aýa raiynyń jaisyzdyǵynan Nur-Sultan - Petropavl tasjolynda 2 kólik apaty boldy. Abyroi bolǵanda adam shyǵyny joq», - dedi T. Ýáli elordada ótken baspasóz máslihatynda.
Onyń aitýynsha, joldardyń ashyq nemese jabyq ekeni týraly aqparat saǵat saiyn jańaryp turady.
«Dál qazirgi ýaqytta aýa raiynyń qolaisyzdyǵyna bailanysty Nur-Sultan-Qaraǵandy tasjoly jabyq. Sonymen qatar, bizdiń ministrlik basqa da quzyrly organdarmen birlesip, jol boiynda qalǵan adamdardy qutqarý jumystaryn júrgizip jatyr. Jáne de qazirgi sátte 60-tan astam adam jáne 300 tehnika joldy tazalap jatyr. Jalpy el boiynsha keshe 14 jol ýchaskesi jabylǵanyn aitty. Ol Qaraǵandy, SQO, Aqmola jáne Almaty oblysy aýmaǵyna qarasty joldar, - deidi ol.
