Foto: "Air Astana"
"Air Astana" áýe kompaniiasy Almatydan jáne basqa qalalardan saiahattaityn jolaýshylar úshin reister kestesinde ózgerister bar ekenin habarlady.
"Air Astana búgin, 4 qańtarda, Astanadaǵy aýa raiynyń qolaisyzdyǵyna bailanysty reisterdiń rotatsiialyq kidirisi, sondai-aq kestedegi ózgerister jalǵasyp jatqany týraly habarlaidy", - dep jazylǵan habarlamada.
Buǵan deiin áýe kompaniiasy Airbus A320neo tobyndaǵy ushaqtarda oryndalatyn reisterdiń 3-4 qańtarǵa qaraǵan túni ushyp shyǵýǵa shekteý qoiylǵandyqtan keshikkenin habarlaǵan bolatyn. Oǵan tuman men baǵyttyń kórinbeýi sebep boldy.
Kesteni qalpyna keltirý úshin barlyq sharany qabyldanap jatyr, deidi áýe kompaniiasyndaǵylar. Sonyń ishinde FlyArystan áýe kompaniiasynyń rezervtik ushaǵyn iske qosady.
"Air Astana" áýejaiǵa barar aldynda áýe kompaniianyń saitynda reis boiynsha aqparatty tekserýge keńes berdi.
