Aýa raiynyń qolaisyzdyǵyna bailanysty elimizdiń Tótenshe jaǵdailar ministrligi jolaýshylarǵa eskertý jasady, dep habarlaidy «Ult aqparat».
«Qazir barlyq óńirmen tikelei bailanystamyz, bizge óńirlik Tótenshe jaǵdai departamenti ókilderi aýa raiy men jol boiynda jaǵdaiǵa qatysty saǵat saiyn tyń aqparat usynyp otyr. Jolaýshylarǵa abai bolýdy erekshe eskertkimiz keledi. Azamattar jolǵa shyqpas buryn «112»-ge habarlasyp, «Dármen» mobildi qosymshasy arqyly nemese bizdiń ministrliktiń resmi saitynan aqparatpen tanysqan jón. Odan bólek, joldardyń ashyq nemese jabyq ekeni jáne aýa raiyna qatysty málimetti Qazgidromet pen QazAvtoJol mekemeliriniń resmi saitynan bilýge bolady», - dedi T. Ýáli elordada ótken baspasóz máslihatynda.
Sonymen qatar, TJM ókili jolǵa jyly kiim, azyq-túlik jáne bailanys quraldarymen qamdaný shyǵýǵa keńes berdi.
«Eger jol boiynda qalyp qoiǵan jaǵdaida azamattar «112» tótenshe jaǵdai nómirine habarlasýǵa bolady. Onda jobamen qai jerde ekenin, qansha adam jáne kólik baryn aityp aitqan soń, bizdiń mamandar shuǵyl shara qabyldaidy. Taǵy bir mańyzdy sát uialy telefonnyń geolokatsiiasyn ajyratpaýǵa keńes beremiz. Sebebi qutqarýshylar adamdy taba almaǵan jaǵdaida habarlasqan uialy telefonnyń geolokatsiiasy arqyly tabý múmkindigi bar», - dedi.
Buǵan deiin TJM ókili jolda qalǵan 800-ge jýyq kólik pen onyń iesi qutqarylǵanyn aitqan bolatyn.
