Qazgidromet aldaǵy úsh kúnge arnalǵan aýa raiy boljamyn jariialady, dep habarlaidy "Ult aqparat".
«14-16 qańtarda Salehard aýdandarynan yǵysqan antitsiklon respýblikanyń basym bóligine áser etedi. Saldarynan basym bólikte aýa temperatýrasy tómendeidi. Tek kezeńniń sońynda Jerorta teńizi tsiklonynyń kelýimen aýa temperatýrasynyń joǵarylaýy kútiledi. Kei jerlerde qar jaýady, ońtústikte jáne batysta jaýyn-shashyn (qar, jańbyr), boran, tuman, jeldiń kúsheiýi, batys jáne ońtústik oblystarda kóktaiǵaq bolady», - delingen habarlamada.
