Qolaýsyz aýa raiyna bailanysty QR Ishki ister ministrligi turǵyndarǵa úndeý jasady, – dep habarlaidy «Ult aqparat».
Ótken aptada 210 jol oqiǵasy bolǵan. Jyldamdyqty arttyrý, tyiym salatyn jáne eskertetin belgilerge nazar aýdarmaý qaiǵyly oqiǵaǵa ákep soqqan. Jol apaty saldarynan 39 adam qaza bolyp, 289 adam jaraqat alǵany ishki ister ministrliginiń alańdaýshylyǵyn týdyryp otyr.
Apattyń negizgi sebebi jol qozǵalysyna qatysýshylardyń jol tártibin saqtamaýy bolyp otyr. Qaiǵyly oqiǵaǵa kóbinese jyldamdyqtyń artýy, tyiym salatyn jáne eskertetin belgilerge nazar aýdarmaý jáne olardy elemeý ákep soqqan, dep habarlaidy ishki ister ministrliginiń baspasóz qyzmeti.
Aýa-raiynyń nasharlaýyna bailanysty ishki ister minitrligi turǵyndardy qarapaiym, biraq óte mańyzdy erejeler t eskertedi, olardy saqtaý kútpegen jerden oryn alatyn jol-kólik oqiǵalarynyń aldyn alýǵa múmkindik beredi.
Qystyń bastalýyna bailanysty:
qysqy nemese tikenekti shinalar ornatý;
avtomobildi jylytý jáne áinekterdiń jylý úrleý júiesin tekserý;
sýytý júiesindegi suiyqtyqtyń minýs temperatýrasy kezinde paidalanýǵa jaramdylyǵy men jai-kúiin tekserý;
dizel qozǵaltqyshtary bar kólik quraldary úshin qysqy dizel otynyn paidalaný.
Qysqy jolda avtomobildiń tejegish qashyqtyǵy aitarlyqtai ulǵaiatynyn este saqtaý qajet. Sondyqtan kenetten qaýip týyndaǵan jaǵdaida júrgizýshiniń jyldamdyqty ýaqytynda tómendetýge, kólik quralyn tolyq toqtatýǵa múmkindigi bolýy tiis.
Qaýipti manevr jasaýǵa jáne shuǵyl tejeýge bolmaidy - kóktaiǵaq jaǵdaiynda bul kólikti basqarý múmkindigin joǵaltýǵa jáne jol apatyna ákep soǵýy múmkin.
Jaiaý júrginshiler de óte muqiiat bolýy kerek. Joldy tek belgilengen oryndarda ótý qajet. Sonymen qatar kólik júrgizýshileriniń olardy baiqaǵanyna jáne jyldamdyqty tómendetip, toqtaýǵa múmkindigi bar ekendigine kóz jetkizý mańyzdy.
