Qazgidromet elimizdiń 9 oblysynda aýa raiynyń qolaisyzdyǵyna bailanysty eskertý jariialady, – dep habarlaidy TJK baspasóz qyzmeti.
Túrkistan, Almaty oblystarynda jáne Almaty qalasyna irgeles aýmaqtarda jaýyn jaýady, tipti nóser bolýy múmkin. Osyǵan bailanysty taý ózenderde sý deńgeii kóterilýi múmkin.
18 mamyrda Aqmola oblysynyń kei jerlerinde naizaǵai jarqyldaidy, burshaq jaýýy yqtimal. Jeldiń ekpini sekýndyna 15-20 metr.
18 mamyrda Shymkent qalasynda qatty nóser jaýady, naizaǵai jarqyldap, daýyl soǵýy, burshaq jaýýy múmkin. Jeldiń ekpini sekýndyna 15-20 metr.
18 mamyrda Qostanai oblysynyń kei jerlerde qatty nóser, burshaq jaýady, tuman túsip, jeldiń ekpini sekýndyna 15-20 metrge jetedi.
Qyzylorda oblysynda jańbyr, kei jerlerde naizaǵai, jeldiń ekpini sekýndyna 15-20 metr, kei jerlerde sekýndyna 23 metrge jetedi.
Mańǵystaý oblysynda kei jerlerde tuman túsedi, naizaǵai oinap, jeldiń ekpini sekýndyna 15-20 metrge jetedi.
Soltústik Qazaqstan oblysynyń kei jerlerinde naizaǵai oinap, daýyl soǵady, burshaq jaýýy yqtimal. Tuman túsedi, jeldiń ekpini sekýndyna 15-20 metrge jetedi.
18 mamyrda Túrkistan oblysyndaǵy taýlarda nóser, burshaq jaýady, naizaǵai oinap, daýyl soǵýy yqtimal. Jeldiń ekpini sekýndyna 15-20 metr, kei jerlerde sekýndyna 23 metrge jetedi.
Tótenshe jaǵdailar komiteti turǵyndarǵa aýa raiynyń qubylýyna nazar aýdarýdy surady. Daýyldy eskertý týraly habarlamaǵa qulaq asyp, qajetti saqtyq jasaý kerek.
Jeldiń jyldamdyǵy sekýndyna 15-20 jáne tipti sekýndyna 30 metrge deiińn kúsheiedi. Eldi mekenderde qaýipsizdik tehnikasynyń basty erejesin ustaný kerek. Shaǵyn qalalar men megapolisterde daýyl kezinde zardap shegý yqtimaldyǵy joǵary bolady. Qatty daýyl soqqanda úidegi barlyq tereze tyǵyz jabylýy tiis.
Tolyq jabylmaǵan balkon men lodjiiadan qatty jel kezinde syrtqa úshyp ketýi múmkin barlyq zatty (qumyra, jáshik, shólmek jáne t.b.) alyp tastaý kerek. Turǵyn úi buryshyndaǵy balkondarda daýyl kezindegi ramasymen birge eski terezesi ushyp ketken jaǵdai kezdesedi.
Kóshede daýyl turǵan kezde jarnama qalqandary (jáne basqa da aspaly qurylymdar), avtobýs aialdamasy, elektr baǵanasy men jelisi, sondai-aq aǵashtardan barynsha alys turyńyz. Ainalańyzǵa saq bolyńyz, ústige qulap ketýi múmkin zattardan alshaq bolýyńyz. Úzilgen symdar men qulaityn zattarǵa (aǵashtarǵa) jaqyndaýǵa bolmaidy.
«Qatty jel soqsa ol tyiylǵansha jaqyn mańdaǵy ǵimaratta nemese tabiǵi yqtasynǵa jasyryný qajet. Úlken aǵashtyń, ásirese terektiń astyna kólik qoiýǵa bolmaidy, óitkeni aǵash nemese onyń iri butaǵy qulap basyp qalýy múmkin. Shirigen jáne kári, sondai-aq jalǵyz turǵan aǵashtar da óte qaýipti. Úiden shyqpańyzdar, jaqyndaryńyzdy qorǵańyzdar», delingen eskertýde.
