Atyshýly Maqsat Úsenov taǵy da isti boldy. Bul joly Almaty qalasy Almaly aýdandyq sotynda esirtki qoldaný deregi boiynsha sot otyrysy ótti, dep jazady tengrinews.kz.
Sottaǵylardyń aitýynsha, Maqsat Úsenov biyl tamyz aiynyń sońynda Jandosov kóshesiniń boiyndaǵy meiramhanada túski as ishkennen keiin serýendep qaitýdy uiǵarǵanyn aitty. Áýezovpen qiylysqan tusta ol sirińke qorabyn taýyp alǵan-mys. Ol sirińke qorapshasyn tepken, ishinen jasyl tústi shóp qýrandysy shashylǵan. Ony qaltasyna salyp kete barǵan. Kompiýterlik klýbqa barǵannan keiin ol qorapshany esine túsirip, "dymdy da túsinbesten" dalaǵa shyǵyp, "marihýanany orap, shegip kórgen". Sottalýshy Maqsat Úsenovtiń aitýynsha, ol esirtkini ómirinde tuńǵysh ret qoldanyp kórgen. Budan keiin ol eshqashan munysyn qaitalamaitynyn aitqan.
Al Úsenovti "erekshe iisi bar jasyl tústi zatpen" ustap alǵan politseiler ony meditsinalyq kýálandyrýǵa jóneltken. Saraptamadan Úsenovtiń esirtkige mas bolyp qalǵany anyqtalǵan. Sondai-aq, zertteýge berilgen qorapsha ishindegi zat marihýana bolyp shyqqan jáne onyń salmaǵy 2,26 gramm bolǵan.
"Sot Maqsat Qajymuratuly Úsenovti QR Qylmystyq kodeksiniń 296-babynyń 2-bóliginde qarastyrylǵan qylmystyq is jasady dep tanyp, 200 AEK kóleminde aiyppul saldy (453 800 teńge)", - delingen Almaly aýdandyq sotynyń úkiminde.
