اتىشۋلى ماقسات ٷسەنوۆ تاعى دا ٸستٸ بولدى. بۇل جولى الماتى قالاسى المالى اۋداندىق سوتىندا ەسٸرتكٸ قولدانۋ دەرەگٸ بويىنشا سوت وتىرىسى ٶتتٸ, دەپ جازادى tengrinews.kz.
سوتتاعىلاردىڭ ايتۋىنشا, ماقسات ٷسەنوۆ بيىل تامىز ايىنىڭ سوڭىندا جاندوسوۆ كٶشەسٸنٸڭ بويىنداعى مەيرامحانادا تٷسكٸ اس ٸشكەننەن كەيٸن سەرۋەندەپ قايتۋدى ۇيعارعانىن ايتتى. ەۋەزوۆپەن قيىلىسقان تۇستا ول سٸرٸڭكە قورابىن تاۋىپ العان-مىس. ول سٸرٸڭكە قوراپشاسىن تەپكەن, ٸشٸنەن جاسىل تٷستٸ شٶپ قۋراندىسى شاشىلعان. ونى قالتاسىنا سالىپ كەتە بارعان. كومپيۋتەرلٸك كلۋبقا بارعاننان كەيٸن ول قوراپشانى ەسٸنە تٷسٸرٸپ, "دىمدى دا تٷسٸنبەستەن" دالاعا شىعىپ, "ماريحۋانانى وراپ, شەگٸپ كٶرگەن". سوتتالۋشى ماقسات ٷسەنوۆتٸڭ ايتۋىنشا, ول ەسٸرتكٸنٸ ٶمٸرٸندە تۇڭعىش رەت قولدانىپ كٶرگەن. بۇدان كەيٸن ول ەشقاشان مۇنىسىن قايتالامايتىنىن ايتقان.
ال ٷسەنوۆتٸ "ەرەكشە يٸسٸ بار جاسىل تٷستٸ زاتپەن" ۇستاپ العان پوليتسەيلەر ونى مەديتسينالىق كۋەلاندىرۋعا جٶنەلتكەن. ساراپتامادان ٷسەنوۆتٸڭ ەسٸرتكٸگە ماس بولىپ قالعانى انىقتالعان. سونداي-اق, زەرتتەۋگە بەرٸلگەن قوراپشا ٸشٸندەگٸ زات ماريحۋانا بولىپ شىققان جەنە ونىڭ سالماعى 2,26 گرامم بولعان.
"سوت ماقسات قاجىمۇراتۇلى ٷسەنوۆتٸ قر قىلمىستىق كودەكسٸنٸڭ 296-بابىنىڭ 2-بٶلٸگٸندە قاراستىرىلعان قىلمىستىق ٸس جاسادى دەپ تانىپ, 200 اەك كٶلەمٸندە ايىپپۇل سالدى (453 800 تەڭگە)", - دەلٸنگەن المالى اۋداندىق سوتىنىڭ ٷكٸمٸندە.
