"Buqar jyraý" turǵyn úi kesheni №3 bloktyń Valentina esimdi konserji birneshe kún buryn atys ashqan er adam týraly aityp berdi, dep habarlaidy Sputnik Qazaqstan.
"Onymen birneshe ret sóileskenmin. Qandai da bir taqyrypqa qatysty áńgime aitqanda oǵan qarsy pikir aitsań, ashýlanyp, kóz aldynda ózgerip shyǵa keledi. Dórekilik tanytady. Áiteýir ortaq til tabysyp kettik. Ótip bara jatyp birde bótelke, birde alma berip ketetin", - dedi Valentina.
Alaida ol er adamnyń naqty atyn bilmeitinin aitty. Ortaq chatta Abi Sultan dep jazylǵan, basqalary ony Súleimen dep atapty.
"Ol óte dindar adam boldy, tipti fanatik dep aitar edim. Quran men Bibliiany jaqsy biletin. Uly, otbasy týraly aitatyn. Tórt balasy bar, birneshe jyl buryn nege ekenin bilmeimin áieli ketip qalǵan. Osynda tórt aidan beri jumys isteimin. Ol jalǵyz turatyn, keshende 10 jyl, biraz ýaqyt otbasymen de birge turǵan", - dedi Valentina.
Turǵyndar kórshisiniń ersi áreketine páter ieleri kooperativine birneshe ret shaǵymdanǵan. Alaida eshqandai shara qoldanylmaǵan.
