"بۇقار جىراۋ" تۇرعىن ٷي كەشەنٸ №3 بلوكتىڭ ۆالەنتينا ەسٸمدٸ كونسەرجٸ بٸرنەشە كٷن بۇرىن اتىس اشقان ەر ادام تۋرالى ايتىپ بەردٸ, دەپ حابارلايدى Sputnik قازاقستان.
"ونىمەن بٸرنەشە رەت سٶيلەسكەنمٸن. قانداي دا بٸر تاقىرىپقا قاتىستى ەڭگٸمە ايتقاندا وعان قارسى پٸكٸر ايتساڭ, اشۋلانىپ, كٶز الدىندا ٶزگەرٸپ شىعا كەلەدٸ. دٶرەكٸلٸك تانىتادى. ەيتەۋٸر ورتاق تٸل تابىسىپ كەتتٸك. ٶتٸپ بارا جاتىپ بٸردە بٶتەلكە, بٸردە الما بەرٸپ كەتەتٸن", - دەدٸ ۆالەنتينا.
الايدا ول ەر ادامنىڭ ناقتى اتىن بٸلمەيتٸنٸن ايتتى. ورتاق چاتتا ابي سۇلتان دەپ جازىلعان, باسقالارى ونى سٷلەيمەن دەپ اتاپتى.
"ول ٶتە دٸندار ادام بولدى, تٸپتٸ فاناتيك دەپ ايتار ەدٸم. قۇران مەن بيبلييانى جاقسى بٸلەتٸن. ۇلى, وتباسى تۋرالى ايتاتىن. تٶرت بالاسى بار, بٸرنەشە جىل بۇرىن نەگە ەكەنٸن بٸلمەيمٸن ەيەلٸ كەتٸپ قالعان. وسىندا تٶرت ايدان بەرٸ جۇمىس ٸستەيمٸن. ول جالعىز تۇراتىن, كەشەندە 10 جىل, بٸراز ۋاقىت وتباسىمەن دە بٸرگە تۇرعان", - دەدٸ ۆالەنتينا.
تۇرعىندار كٶرشٸسٸنٸڭ ەرسٸ ەرەكەتٸنە پەتەر يەلەرٸ كووپەراتيۆٸنە بٸرنەشە رەت شاعىمدانعان. الايدا ەشقانداي شارا قولدانىلماعان.
