Atyraý oblysynda 34 jastaǵy turǵynnyń úiinen 106 kiik múiizi, zańsyz saqtalǵan eki myltyq tárkilendi, dep habarlaidy Oblystyq politsiia departamenti baspasóz qyzmeti.
Qurmanǵazy aýdanyndaǵy Balqudyq aýylynyń 34 jastaǵy turǵyny óz úiinde 106 kiik múiizi men 2 tirkelmegen tegis uńǵyly 2 ańshylyq qarýdy zańsyz saqtaǵan.
«Tekserý kezinde politseiler aýyl turǵyny túngi mezgilinde «Yaqi» motokóligimen tyiym salynǵan kiikti ańshylyq qarýymen atyp, múiizderin zańsyz iemdeneni anyqtaldy. Sondai-aq, Balqudyq aýylynyń mańynan múiizderi kesilgen kúidegi kiik janýarynyń tórt óleksesi tabyldy», dep habarlady departamenttiń baspasóz qyzmetinen.
Qazir atalǵan derekke qatysty QR Qylmystyq Kodeksiniń 339-baby 3-bóligimen (Ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysý) sotqa deiingi tergeý júrgizilýde.
