Foto: instagram.com/kair_n
Atyraýdaǵy meiramhana iesi tanymal qazaqstandyq ánshi Qairat Nurtasty sotqa berdi, - dep habarlaidy «Ult aqparat» AtyrauPress-ke silteme jasap.
Keshe atalǵan isti Almaty oblysynyń soty onlain-rejimde qaraǵan bolatyn. Ánshi jańa jyldyq korporativ keshinde óner kórsetýi tiis bolatyn. Alaida, uiymdastyrýshylar ánshiniń shamamen 5 mln teńge bolatyn shyǵystaryn jaba almaityndyqtan kontsertti ótkizbeitin bolyp sheshim qabyldap, bul jóninde ony 42 kún buryn eskertken.
Jábirlenýshiniń sózinshe, ol ánshiniń anasy Gúlzira Aidarbekovamen aýyzsha kelisken eken. Al, 1000 dollar kólemindegi avans somasyn Almatyda ánshiniń ókilderine beripti.
"Kontserttiń ótpeitinin aitqanymda menedjer aqshanyń qaitarylmaitynyn maǵan óte dóreki túrde jetkizdi. Keiin aýdiojazbalaryn óshirip tastady. Men ártisti sotqa berdim. Birinshi otyrysta jeńilip qaldyq, biraq men taǵy da shaǵymdandym. Sebebi, aqshamdy qaitarǵym keledi", - deidi kásipker Olga Hvan.
Sot jábirlenýshiniń talabyn qanaǵattandyrmady. Endi ol Joǵary sotta alty ai ishinde sot sheshimine shaǵymdana alady.
