فوتو: instagram.com/kair_n
اتىراۋداعى مەيرامحانا يەسٸ تانىمال قازاقستاندىق ەنشٸ قايرات نۇرتاستى سوتقا بەردٸ, - دەپ حابارلايدى «ۇلت اقپارات» AtyrauPress-كە سٸلتەمە جاساپ.
كەشە اتالعان ٸستٸ الماتى وبلىسىنىڭ سوتى ونلاين-رەجيمدە قاراعان بولاتىن. ەنشٸ جاڭا جىلدىق كورپوراتيۆ كەشٸندە ٶنەر كٶرسەتۋٸ تيٸس بولاتىن. الايدا, ۇيىمداستىرۋشىلار ەنشٸنٸڭ شامامەن 5 ملن تەڭگە بولاتىن شىعىستارىن جابا المايتىندىقتان كونتسەرتتٸ ٶتكٸزبەيتٸن بولىپ شەشٸم قابىلداپ, بۇل جٶنٸندە ونى 42 كٷن بۇرىن ەسكەرتكەن.
جەبٸرلەنۋشٸنٸڭ سٶزٸنشە, ول ەنشٸنٸڭ اناسى گٷلزيرا ايداربەكوۆامەن اۋىزشا كەلٸسكەن ەكەن. ال, 1000 دوللار كٶلەمٸندەگٸ اۆانس سوماسىن الماتىدا ەنشٸنٸڭ ٶكٸلدەرٸنە بەرٸپتٸ.
"كونتسەرتتٸڭ ٶتپەيتٸنٸن ايتقانىمدا مەنەدجەر اقشانىڭ قايتارىلمايتىنىن ماعان ٶتە دٶرەكٸ تٷردە جەتكٸزدٸ. كەيٸن اۋديوجازبالارىن ٶشٸرٸپ تاستادى. مەن ەرتٸستٸ سوتقا بەردٸم. بٸرٸنشٸ وتىرىستا جەڭٸلٸپ قالدىق, بٸراق مەن تاعى دا شاعىمداندىم. سەبەبٸ, اقشامدى قايتارعىم كەلەدٸ", - دەيدٸ كەسٸپكەر ولگا حۆان.
سوت جەبٸرلەنۋشٸنٸڭ تالابىن قاناعاتتاندىرمادى. ەندٸ ول جوعارى سوتتا التى اي ٸشٸندە سوت شەشٸمٸنە شاعىمدانا الادى.
