Atyraý oblystyq perinataldyq ortalyǵyndaǵy qyzmetterinen bas tartyp, aryz jazǵan dárigerlermen QR Parlamentiniń Májilis depýtaty Záýresh Amanjolova kezdesip, talaptaryn tyńdady. Halyq qalaýlysynyń aitýynsha atyraýlyq dárigerlerde qorqynysh bar.
"Bizdiń is-saparymyzdyń maqsaty - Atyraý perinataldyq ortalyǵyndaǵy dárigerlermen júzdesý, olardyń talap-tilekterin tyńdaý. Óitkeni, bul jaǵdai halyqtyń em alýyna, meditsinalyq kómek alýyna kedergi keltirmeý kerek. Qazir mundaǵy ujym birqalypty jumys atqaryp jatyr. Ministrlikten mamandar, sondai aq, Aqtóbe meditsinalyq ýniversitetiniń dárigerleri, Almaty men Astanadaǵy ǵylymi zertteý institýttarynyń professorlary kelip qoldaý kórsetip jatyr. Sondyqtan barlyǵymyz judyryqtai jumylyp, mundaǵy ana men balaǵa kórsetiletin meditsinalyq qyzmettiń deńgeiin tómendetpeýge jumystanýymyz qajet. Sonymen qatar ujymǵa moraldyq-psihologiialyq kómek berýimiz kerek. Qazir perinataldyq ortalyqtaǵy dárigerlerde úrei men qorqynysh bar. Olar "qandai qatelik jasap qoiamyz, ol úshin bizdi qalai jazalaidy" dep qorqyp qalǵany baiqalady", - deidi QR Parlamentiniń Májilis depýtaty Záýresh Amanjolova.
Atyraýlyq dárigerlerdiń sumdyq áreketi áshkerelenip jatqany týraly jazǵanbyz. Prokýratýra sábi ólimi faktilerine aýqymdy tekserýler júrgizýde. Atyraý oblystyq perzenthanasynyń dárigerleri prezidentke hat jazdy. Atyraý perzenthanasyndaǵy dárigerlerdiń de aitary bar ekenin jazǵanbyz. Birtanov Atyraýdaǵy dárigerler isine qatysty balanyń ólimi týraly jazbany ózgertýge bolatynyn aitty.
