اتىراۋ وبلىستىق پەريناتالدىق ورتالىعىنداعى قىزمەتتەرٸنەن باس تارتىپ, ارىز جازعان دەرٸگەرلەرمەن قر پارلامەنتٸنٸڭ مەجٸلٸس دەپۋتاتى زەۋرەش امانجولوۆا كەزدەسٸپ, تالاپتارىن تىڭدادى. حالىق قالاۋلىسىنىڭ ايتۋىنشا اتىراۋلىق دەرٸگەرلەردە قورقىنىش بار.
"بٸزدٸڭ ٸس-ساپارىمىزدىڭ ماقساتى - اتىراۋ پەريناتالدىق ورتالىعىنداعى دەرٸگەرلەرمەن جٷزدەسۋ, ولاردىڭ تالاپ-تٸلەكتەرٸن تىڭداۋ. ٶيتكەنٸ, بۇل جاعداي حالىقتىڭ ەم الۋىنا, مەديتسينالىق كٶمەك الۋىنا كەدەرگٸ كەلتٸرمەۋ كەرەك. قازٸر مۇنداعى ۇجىم بٸرقالىپتى جۇمىس اتقارىپ جاتىر. مينيسترلٸكتەن ماماندار, سونداي اق, اقتٶبە مەديتسينالىق ۋنيۆەرسيتەتٸنٸڭ دەرٸگەرلەرٸ, الماتى مەن استاناداعى عىلىمي زەرتتەۋ ينستيتۋتتارىنىڭ پروفەسسورلارى كەلٸپ قولداۋ كٶرسەتٸپ جاتىر. سوندىقتان بارلىعىمىز جۇدىرىقتاي جۇمىلىپ, مۇنداعى انا مەن بالاعا كٶرسەتٸلەتٸن مەديتسينالىق قىزمەتتٸڭ دەڭگەيٸن تٶمەندەتپەۋگە جۇمىستانۋىمىز قاجەت. سونىمەن قاتار ۇجىمعا مورالدىق-پسيحولوگييالىق كٶمەك بەرۋٸمٸز كەرەك. قازٸر پەريناتالدىق ورتالىقتاعى دەرٸگەرلەردە ٷرەي مەن قورقىنىش بار. ولار "قانداي قاتەلٸك جاساپ قويامىز, ول ٷشٸن بٸزدٸ قالاي جازالايدى" دەپ قورقىپ قالعانى بايقالادى", - دەيدٸ قر پارلامەنتٸنٸڭ مەجٸلٸس دەپۋتاتى زەۋرەش امانجولوۆا.
اتىراۋلىق دەرٸگەرلەردٸڭ سۇمدىق ەرەكەتٸ ەشكەرەلەنٸپ جاتقانى تۋرالى جازعانبىز. پروكۋراتۋرا سەبي ٶلٸمٸ فاكتٸلەرٸنە اۋقىمدى تەكسەرۋلەر جٷرگٸزۋدە. اتىراۋ وبلىستىق پەرزەنتحاناسىنىڭ دەرٸگەرلەرٸ پرەزيدەنتكە حات جازدى. اتىراۋ پەرزەنتحاناسىنداعى دەرٸگەرلەردٸڭ دە ايتارى بار ەكەنٸن جازعانبىز. بٸرتانوۆ اتىراۋداعى دەرٸگەرلەر ٸسٸنە قاتىستى بالانىڭ ٶلٸمٸ تۋرالى جازبانى ٶزگەرتۋگە بولاتىنىن ايتتى.
