Atyraýlyq boijetken jelide ekstremistik jazba jariialaǵany úshin jaýapqa tartyldy, dep habarlaidy "Ult aqparat".
Atyraý oblysynyń Qurmanǵazy aýdandyq sotynda Qazaqstan Respýblikasy Ákimshilik quqyq buzý týraly kodeksiniń 453-baby, 1-bóligi boiynsha jasy kámeletke tolmaǵan J.-ǵa qatysty ákimshilik is qaraldy.
«Kámeletke tolmaǵan J. «VKontakte» áleýmettik jelisindegi jeke paraqshasynda ekstremistik materialdardy, iaǵni Qazaqstan Respýblikasynyń aýmaǵynda tyiym salynǵan dástúrli emes ýaǵyzshylar «Ibn Ýsaimin» jáne «Dilmurat Abý Mýhamad» dini materialdarynyń dybys jazbalaryn júktep, osy ýaǵyzdardy ózi tyńdaǵan», - dep habarlady oblystyq sottyń baspasóz qyzmetinen.
Sotta kámelet jasyna tolmaǵan J. kinásin tolyq moiyndady. Sotqa qatysqan anasy qyzynyń áreketi úshin keshirim surady.
Aita ketelik, sot J.-ny jaýapkershilikten bosatyp, zańdy túsindirý túrindegi tárbielik yqpal etý sharasyn qoldandy.
