Shetelden Atyraýǵa ushyp kelgen 37 qazaqstandyqtyń koronavirýstyń joq ekenin rastaityn PTR anyqtamasy joq bolyp shyqty, dep habarlaidy "Ult aqparat".
Atyraý oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, Atyraýǵa 20-25 qazan aralyǵynda shetelden Ystanbul-Atyraý, Tashkent-Atyraý, Amsterdam-Atyraý baǵytynda 4 áýe reisi ushyp kelgen.
«Halyqaralyq áýe reisimen barlyǵy 456 adam jetkizildi», - dep habarlaidy Atyraý oblystyq densaýlyq saqtaý basqarmasynyń baspasóz qyzmeti.
Áýe reisimen kelgen jolaýshylardyń arasynda sheteldikter joq, barlyǵy - qazaqstandyqtar. Onyń 37-sinde COVID-19-ǵa PTR-test qorytyndysy bolmaǵandyqtan karantin statsionaryna jatqyzylǵan.
Jolaýshylardan koronavirýs juqpasyna synama alyndy, qorytyndysy teris bolyp shyqty. Eshqaisysynan qaýipti infektsiia anyqtalmaǵandyqtan úilerine jiberildi.
