Atyraýǵa Reseiden kelgen 54 qazaqstandyqtan koronavirýs anyqtaldy, dep habarlaidy "Ult aqparat".
Oblystyq sanitariialyq-epidemiologiialyq baqylaý departamenti baspasóz qyzmetiniń aqparatyna súiensek, 27 shildede Atyraý oblysy men Resei Federatsiiasynyń memlekettik shekarasyndaǵy «Qurmanǵazy» beketi arqyly 216 adam ótken.
«Memlekettik shekaradan ótkenderdiń arasynda 32 jolaýshy men halyqaralyq júk tasymaldaryn júzege asyratyn 184 júrgizýshi bar. Anyqtamasyz kelgen Qazaqstan Respýblikasynyń 6 azamatynan alynǵan koronavirýs infektsiiasyna qarsy PTR test zertteýi teris nátije kórsetti. Al, byltyrǵy 6 qazannan beri Atyraý oblysyna 56 996 adam, onyń ishinde 8 577 jaiaý júrginshi, 48 419 júrgizýshi kelgen. Oblys aýmaǵyna kirýge anyqtamasyz kelgen 355 shetel azamatyna tyiym salyndy. Sondai-aq, Qazaqstannyń 4 757 azamatyna PTR-testileý júrgizildi. Onyń ishinde 54 azamattan (49 júrgizýshi, 5 jolaýshy) COVID-19-dyń belgisi tabyldy», - dep habarlady departamenttiń baspasóz qyzmeti.
