Atyraýǵa Reseidiń Astrahan oblysynda turatyn qandastarymyzdan 1 tonnadan astam gýmanitarlyq kómek keldi, dep habarlaidy "Ult aqparat".
Atyraýlyq volonter Nazgúl Nájikenovanyń aitýynsha, gýmanitarlyq kómek Astrahan oblysyndaǵy «Joldastyq» qazaq mádenieti» qoǵamdyq birlestiginiń tóraǵasy Nurlan Qandyqov pen «Qazaq mádenietin damytý» qorynyń tóraǵasy Edýard Ysqaqovtyń bastamasymen jinalǵan. Kórshi eldegi qandastar Atyraýdaǵy aýrýhanamen bailanys jasap, qajetti medikamentter tizimin alǵan.
«Búgin Atyraý oblystyq kardiologiialyq ortalyqqa 20 myń meditsinalyq maska, 500 litr dezinfektsiialyq suiyqtyq, 1 myń infýziondyq sistema, 1 myń meditsinalyq dáke, 300 qorǵanysh kostiými, túrli medikamentterdi tapsyrdyq», - dedi volonter Nazgúl Nájikenova.
Onyń aitýynsha, kórshi eldegi qandastarymyzdyń bastamasyna Astrahan oblysynyń gýbernatory Igor Babýshkin qoldaý bildirgen. Bul igilikti iske Astrahandaǵy sheshen qoǵamdastyǵynyń músheleri de atsalysqan.
