اتىراۋعا رەسەيدٸڭ استراحان وبلىسىندا تۇراتىن قانداستارىمىزدان 1 توننادان استام گۋمانيتارلىق كٶمەك كەلدٸ, دەپ حابارلايدى "ۇلت اقپارات".
اتىراۋلىق ۆولونتەر نازگٷل نەجٸكەنوۆانىڭ ايتۋىنشا, گۋمانيتارلىق كٶمەك استراحان وبلىسىنداعى «جولداستىق» قازاق مەدەنيەتٸ» قوعامدىق بٸرلەستٸگٸنٸڭ تٶراعاسى نۇرلان قاندىقوۆ پەن «قازاق مەدەنيەتٸن دامىتۋ» قورىنىڭ تٶراعاسى ەدۋارد ىسقاقوۆتىڭ باستاماسىمەن جينالعان. كٶرشٸ ەلدەگٸ قانداستار اتىراۋداعى اۋرۋحانامەن بايلانىس جاساپ, قاجەتتٸ مەديكامەنتتەر تٸزٸمٸن العان.
«بٷگٸن اتىراۋ وبلىستىق كارديولوگييالىق ورتالىققا 20 مىڭ مەديتسينالىق ماسكا, 500 ليتر دەزينفەكتسييالىق سۇيىقتىق, 1 مىڭ ينفۋزيوندىق سيستەما, 1 مىڭ مەديتسينالىق دەكە, 300 قورعانىش كوستيۋمٸ, تٷرلٸ مەديكامەنتتەردٸ تاپسىردىق», - دەدٸ ۆولونتەر نازگٷل نەجٸكەنوۆا.
ونىڭ ايتۋىنشا, كٶرشٸ ەلدەگٸ قانداستارىمىزدىڭ باستاماسىنا استراحان وبلىسىنىڭ گۋبەرناتورى يگور بابۋشكين قولداۋ بٸلدٸرگەن. بۇل يگٸلٸكتٸ ٸسكە استراحانداعى شەشەن قوعامداستىعىنىڭ مٷشەلەرٸ دە اتسالىسقان.
