«Atyraýda jasalǵan» brendimen shyǵarylatyn balyq ónimderi shet elderge tanyla bastady. Bul týraly búgin Atyraý oblysynyń ákimi Mahambet Dosmuhambetov aitty, dep habarlaidy "Ult aqparat".
«Memleket basshysynyń tapsyrmasyna sáikes, balyq sharýashylyǵy salasyna úlken qoldaý kórsetilýde. Qazir oblysta 18 óndiristik kásiporyn balyq aýlaýmen jáne ony óńdeýmen ainalysady. 10 aida 7 300 tonna balyq aýlanyp, ótken jyldyń sáikes kezeńmen salystyrǵanda 11,5 paiyzǵa ósim kórsetti», - dedi óńir basshysy Ortalyq kommýnikatsiialar qyzmetindegi baspasóz máslihatynda.
Mahambet Dosmuhambetovtiń dereginshe, aýlanǵan balyqtyń 81 paiyzy shetelderge eksportqa shyǵarylǵan.
«Atyraýda jasalǵan» brendimen shyǵarylatyn balyq ónimderi shetelderge tanyla bastady. Bekire balyqtary ósimin qamtamasyz etý maqsatynda Atyraý qalasyndaǵy 2 bekire zaýyty jylyna teńizge 7,5 mln shabaq jiberip otyr, - dedi Atyraý oblysynyń ákimi.
