«اتىراۋدا جاسالعان» برەندٸمەن شىعارىلاتىن بالىق ٶنٸمدەرٸ شەت ەلدەرگە تانىلا باستادى. بۇل تۋرالى بٷگٸن اتىراۋ وبلىسىنىڭ ەكٸمٸ ماحامبەت دوسمۇحامبەتوۆ ايتتى, دەپ حابارلايدى "ۇلت اقپارات".
«مەملەكەت باسشىسىنىڭ تاپسىرماسىنا سەيكەس, بالىق شارۋاشىلىعى سالاسىنا ٷلكەن قولداۋ كٶرسەتٸلۋدە. قازٸر وبلىستا 18 ٶندٸرٸستٸك كەسٸپورىن بالىق اۋلاۋمەن جەنە ونى ٶڭدەۋمەن اينالىسادى. 10 ايدا 7 300 توننا بالىق اۋلانىپ, ٶتكەن جىلدىڭ سەيكەس كەزەڭمەن سالىستىرعاندا 11,5 پايىزعا ٶسٸم كٶرسەتتٸ», - دەدٸ ٶڭٸر باسشىسى ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ماحامبەت دوسمۇحامبەتوۆتٸڭ دەرەگٸنشە, اۋلانعان بالىقتىڭ 81 پايىزى شەتەلدەرگە ەكسپورتقا شىعارىلعان.
«اتىراۋدا جاسالعان» برەندٸمەن شىعارىلاتىن بالىق ٶنٸمدەرٸ شەتەلدەرگە تانىلا باستادى. بەكٸرە بالىقتارى ٶسٸمٸن قامتاماسىز ەتۋ ماقساتىندا اتىراۋ قالاسىنداعى 2 بەكٸرە زاۋىتى جىلىنا تەڭٸزگە 7,5 ملن شاباق جٸبەرٸپ وتىر, - دەدٸ اتىراۋ وبلىسىنىڭ ەكٸمٸ.
