Atyraý qalasy ákimdigi tóńireginde týyndaǵan shý basylar emes. Áleýmettik jelilerde birneshe kún buryn taraǵan «ákim orynbasary ustaldy» degen aqparat resmi túrde naqtylanbaǵan kúii qoǵamda túrli boljamdarǵa jol ashqan edi. Endi bul jaǵdaiǵa qatysty Ulttyq qaýipsizdik komiteti resmi túsinikteme berip, tergeý júrip jatqanyn rastady, dep habarlaidy ult.kz.
Resmi málimetke sáikes, Atyraý qalasy ákiminiń orynbasary Meiirjan Muqasovqa qatysty sotqa deiingi tergeý júrgizilýde. Alaida istiń mán-jaiy ashyq aitylǵan joq. Vedomstvo ókilderi Qylmystyq-protsestik kodekstiń 201-babyna súiene otyryp, ózge aqparat jariia etilmeitinin málimdedi.
Osylaisha, áleýmettik jelide taraǵan aqparattyń bir bóligi resmi tergeýmen tuspa-tus kelgenimen, quqyq qorǵaý organdary naqty aiyptaýlar men istiń mánin ashyq jariialaǵan joq. Bul óz kezeginde qoǵamda suraqty kóbeitip otyr: bul – jedel áreket etilgen antikorrýptsiialyq is pe, álde áli dáleldenbegen kúdik deńgeiindegi tekserý me?
Aita keterligi, buǵan deiin jelide ákim orynbasary men qalalyq kommýnaldyq qyzmet kórsetý salasyndaǵy JShS basshysynyń orynbasary ustalǵany týraly beiresmi aqparat taraǵan. Alaida resmi organdar tek tergeý faktisin ǵana rastady.
Mundai jaǵdailarda aqparattyń shekteýli jariialanýy – zań talaby. Degenmen dál osyndai «jabyq tergeýler» qoǵamda túrli alyp-qashpa áńgimelerdiń kúsheiýine de jii sebep bolady.
Qazir negizgi nazar tergeýdiń nátijesine aýyp otyr. Istiń ári qaraiǵy barysy men yqtimal sheshimderi resmi derekter tolyq jariia bolǵannan keiin ǵana belgili bolmaq.
