Atyraýda respýblikalyq aqyndar aitysy ótti. Dodaǵa elimizdik túkpir-túkpirinen 20 aqyn qatysyp, baqtaryn synady. Bas júldeni qaraǵandylyq aqyn Maqsat Ahanov enshiledi. Jeńimpazǵa 2 million teńge aqshalai syiaqy tabys etildi.
«Asqaq rýhty Atyraý» degen atpen uiymdastyrylǵan báige eki kún boiy 19-20 qarasha aralyǵynda Mahambet atyndaǵy oblystyq drama teatr sahnasynda ótti. Aqyndar óleńderine Atyraý halqynyń qonaqjailyǵyn, táýelsizdik jyldaryndaǵy jetistikterin, qoǵamnyń túitkildi máselelerin arqaý qyldy. Aitysty halyqaralyq «Aitys aqyndary men jyrshy-termeshiler» odaǵynyń basqarma tóraǵasy Júrsin Erman júrgizip, Asanáli Áshimov tóraǵalyq etken qoǵam qairatkerleri qazylyq etti.
Aitystyń bas júldesin tabystaǵan Atyraý oblysynyń ákimi Nurlan Noǵaev: «Aitys Táýelsizdiktiń 25 jyldyǵyna orai uiymdastyryldy. Aqyndar kótergen máseleniń bári ózekti. Qazaqtyń balasy qai jerde júrse de halyqtyń qamyn oilap júrýi tiis. Atyraý aityskerlerdi qarsy alýǵa árqashan daiyn», - dedi.
Júrsin Ermannyń aitýynsha, aitystyń deńgeii jyldan-jylǵa artyp keledi. «Qazir respýblikanyń barlyq óńirinde aqyndar mektebi ashylyp, jumys jasap otyr. Sol ortadan shyqqan jas aqyndar búginde aitystyń alamanynda top jaryp júr. Respýblikada aitys ónerine qoldaý tanyp otyrǵan tórt ákim bolsa, solardyń biri - Atyraý oblysynyń ákimi Nurlan Asqaruly Noǵaev», - dedi ol.
Aitysta Batys Qazaqstan oblysynyń aqyny Jansaia Mýsina birinshi orynǵa ie boldy. Astanalyq Meiirbek Sultanhan men BQO-nyń aqyny Baýyrjan Shirmedenuly ekinshi oryndy qanjyǵalaryna bailajy. Al, júldeli úshinshi oryn atyraýlyq Jánibek Sadyrov, astanalyq Serikzat Dúisenǵazin jáne qyzylordalyq Iranǵaiyp Kúzembaevqa buiyrdy.
