Foto: egemen.kz
Atyraýdaǵy qandy oqiǵaboiynsha, kúdiktiniń ápkesi "Jýsan" operatsiiasymen Siriiadan qaitqan bolyp shyqty. Bul týraly "Qazaq AIRAN" tilshisine Sultan Sársemálievtiń ákesi aityp berdi, dep habarlaidy Ult.kz.
Atyraýdaǵy oqiǵaǵa qatysty jýrnalist kúdiktiniń ákesi Samiǵolla Sársemáliulyna "Aǵa, sizdiń týǵan qyzyńyz, Sultannyń ápkesi Siriiaǵa baryp kelgen deidi. Ne sebepti?" dep suraq qoiady.
– Ony kúieýi aldap alyp ketken deidi. Bala-shaǵasymen, bárimen. Qydyramyz degen bolýy kerek. Túrkiia arqyly barǵan siiaqty. Biraq, naqty qai jyly ekenin bilmeimin, – deidi kúdiktiniń ákesi.
Tilshi sol ýaqytta qyzynyń "Jýsan" operatsiiasymen elge qaitarylǵanyn eske salady.
– Qujattaryn joq qylyp jibergen. Kúieý bala sol jaqta (Siriia - red.) qaitys bolǵan. Qazir bul oqiǵa týraly úide áńgime qozǵamaimyz. Kishi qyzym baýyryna qujattaryn jasap, kómektesti, – dep sózin qorytyndylady Samiǵolla Sársemáliuly.
Osyǵan deiin kúdiktiniń ákesi "Ulym jýas, tentektigi joq" dep málimdegen edi.
