Foto: Qamqor.gov.kz
Atyraý oblysy Jangeldin aýylynda bir otbasynyń qazasyna qatysty tergeý jalǵasyp jatyr. Sot-meditsinalyq saraptama nátijesi boiynsha Sultan Sarsemalievtiń psihikalyq densaýlyǵynda aýytqý joq ekeni anyqtaldy, dep habarlaidy Ult.kz.
Tergeý derekterine sáikes, otbasy músheleriniń qazasy ártúrli ýaqytta tirkelgen: bir bóligi 2025 jyldyń mamyrynda, qalǵandary qarasha aiynda kóz jumǵan. Barlyq jábirlenýshiniń denesinen pyshaq jaraqattary anyqtalǵan, ólim sebebi – aýyr dene jaraqattary.
Oblystyq prokýratýra ókilderiniń aitýynsha, qylmystyń yqtimal sebebi – otbasylyq janjal. Qazirgi ýaqytta Sarsemalievke qatysty eki jáne odan da kóp adamnyń ólimi boiynsha qylmystyq is tergelip jatyr. Sonymen qatar, qosymsha ekonomikalyq sipattaǵy baptar boiynsha da tekserý júrgizilýde.
Kúdiktiniń jubaiyna qatysty psihiatriialyq saraptama áli aiaqtalǵan joq, ol arnaiy mekemede baqylaýda.
Tergeý barysynda Sarsemalievtiń el aýmaǵynan zańdy túrde shyǵyp ketkeni jáne keiin shetelde ustalyp, Qazaqstanǵa qaitarylǵany anyqtaldy.
Qazir is boiynsha barlyq saraptama qorytyndylary kútilip otyr. Tergeý aiaqtalǵannan keiin naqty quqyqtyq baǵa beriledi.
