Atyraýda jýrnalist Olesia Vertinskaiaǵa shabýyl jasaǵan kúdikti ustaldy, - dep habarlaidy Tengrinews.kz tilshisi Atyraý oblystyq Politsiia departamenti baspasóz qyzmetine silteme jasap.
"19 shildede saǵat 9.30 shamasynda Jumysker yqshamaýdany Mýtaliev kóshesinde "Dorojnyi kontrol" aqparattyq portalynyń tilshisi Vertinskaia zardap shekti. 1999 jyly týǵan kúdikti ustaldy", - delingen habarlamada.
Tártip saqshylary bul derek QR Qylmystyq kodekstiń 107-baby 2-bóligi "Adamnyń qyzmettik jumysyn júzege asyrýyna nemese kásiptik nemese qoǵamdyq boryshyn oryndaýyna bailanysty osy adamǵa nemese onyń jaqyndaryna qatysty densaýlyqqa qasaqana aýyrlyǵy ortasha ziian keltirý" boiynsha tergelip jatqanyn aitty.
Basqa málimet Qylmystyq is júrgizý kodeksiniń 201-babyna sáikes jariialaýǵa jatpaidy.
Eske salaiyq, buǵan deiin belgisiz bireý "Dorojnyi kontrol" basylymynyń jýrnalisi Olesia Vertinskaiadan kómek surap, keiin soqqyǵa jyqqan.
Áieldi ótip bara jatqan adam qutqaryp qaldy, Olesianyń uly jedel járdem shaqyrǵan. Kompiýterlik tomografiiada murny synǵany anyqtaldy.
