Atyraýda joǵalyp ketken balanyń denesi Jaiyqtan tabyldy, dep habarlaidy "Ult aqparat".
Tótenshe jaǵdailar departamenti baspasóz qyzmetiniń habarlaýynsha, búgin túnde saǵat 01:56-de 11 jastaǵy balanyń joǵalǵany týraly habar túsken. Joǵalǵan bala Atyraý qalasynyń mańyndaǵy Erkinqala-2 kentinde turǵan. Ol keshe, keshki saǵat 18:00 shamasynda iz-tússiz joǵalǵan.
«Izdestirý kezinde bala turǵan aýdannyń barlyq mańy tekserilip, jergilikti turǵyndardan surastyryldy. Jaiyq ózeniniń jaǵasynan velosiped pen balanyń zattary tabyldy. Al, saǵat 8:10-da departamenttiń Jedel-qutqarý jasaǵynyń 5 qyzmetkeri, 1 tehnika, 1 kinologiialyq quram, 1 qaiyǵymen Jaiyq ózeni tekserildi. Ókinishke orai joǵalǵan balanyń óli denesi ózenniń sýǵa túsýge jabdyqtalmaǵan jerinen tabyldy», - dep habarlady departamenttiń baspasóz qyzmeti.
