اتىراۋدا جوعالىپ كەتكەن بالانىڭ دەنەسٸ جايىقتان تابىلدى, دەپ حابارلايدى "ۇلت اقپارات".
تٶتەنشە جاعدايلار دەپارتامەنتٸ باسپاسٶز قىزمەتٸنٸڭ حابارلاۋىنشا, بٷگٸن تٷندە ساعات 01:56-دە 11 جاستاعى بالانىڭ جوعالعانى تۋرالى حابار تٷسكەن. جوعالعان بالا اتىراۋ قالاسىنىڭ ماڭىنداعى ەركٸنقالا-2 كەنتٸندە تۇرعان. ول كەشە, كەشكٸ ساعات 18:00 شاماسىندا ٸز-تٷسسٸز جوعالعان.
«ٸزدەستٸرۋ كەزٸندە بالا تۇرعان اۋداننىڭ بارلىق ماڭى تەكسەرٸلٸپ, جەرگٸلٸكتٸ تۇرعىنداردان سۇراستىرىلدى. جايىق ٶزەنٸنٸڭ جاعاسىنان ۆەلوسيپەد پەن بالانىڭ زاتتارى تابىلدى. ال, ساعات 8:10-دا دەپارتامەنتتٸڭ جەدەل-قۇتقارۋ جاساعىنىڭ 5 قىزمەتكەرٸ, 1 تەحنيكا, 1 كينولوگييالىق قۇرام, 1 قايىعىمەن جايىق ٶزەنٸ تەكسەرٸلدٸ. ٶكٸنٸشكە وراي جوعالعان بالانىڭ ٶلٸ دەنەسٸ ٶزەننٸڭ سۋعا تٷسۋگە جابدىقتالماعان جەرٸنەن تابىلدى», - دەپ حابارلادى دەپارتامەنتتٸڭ باسپاسٶز قىزمەتٸ.
