Foto: Polisia.kz
Atyraýda jaiaý júrginshini qaǵyp, oqiǵa ornynan qashyp ketken júrgizýshi ustaldy, – dep habarlaidy Polisia.kz.
19 jeltoqsan saǵat 21:50 shamasynda Áýezov kóshesi 52a úi tusynda 48 jastaǵy er adamdy markasy jáne memlekettik nómiri belgisiz kólik quraly qaǵyp, ishki ister organdaryna habarlamai, oqiǵa ornynan ketip qalǵan. Alǵan dene jaraqattary saldarynan jaiaý júrginshi oqiǵa ornynda qaza tapqan.
"Atyraý qalalyq Politsiia basqarmasynyń patrýldik politsiia batalonynyń qyzmetkerleri kúdikti kólikti izdestirý jumystaryn júrgizý arqyly Stahanov kóshesinde ornalasqan garajdardyń arasynan Mercedes Benz kóligin anyqtady. Júrgizýshisi 34 jastaǵy azamattyń kólikti mas kúide basqarǵany anyqtaldy.
Atalǵan fakt boiynsha Atyraý qalalyq Politsiia basqarmasynyń №1 politsiia bólimi Qylmystyq kodekstiń 345-babynyń 3-bóligimen jáne 347-babymen qylmystyq isti tirkedi. Jedel tergeý toby tekserý amaldaryn júrgizip jatyr. Kúdikti qamaýǵa alyndy" - delingen habarlamada.
