فوتو: Polisia.kz
اتىراۋدا جاياۋ جٷرگٸنشٸنٸ قاعىپ, وقيعا ورنىنان قاشىپ كەتكەن جٷرگٸزۋشٸ ۇستالدى, – دەپ حابارلايدى Polisia.kz.
19 جەلتوقسان ساعات 21:50 شاماسىندا ەۋەزوۆ كٶشەسٸ 52ا ٷي تۇسىندا 48 جاستاعى ەر ادامدى ماركاسى جەنە مەملەكەتتٸك نٶمٸرٸ بەلگٸسٸز كٶلٸك قۇرالى قاعىپ, ٸشكٸ ٸستەر ورگاندارىنا حابارلاماي, وقيعا ورنىنان كەتٸپ قالعان. العان دەنە جاراقاتتارى سالدارىنان جاياۋ جٷرگٸنشٸ وقيعا ورنىندا قازا تاپقان.
"اتىراۋ قالالىق پوليتسييا باسقارماسىنىڭ پاترۋلدٸك پوليتسييا باتالونىنىڭ قىزمەتكەرلەرٸ كٷدٸكتٸ كٶلٸكتٸ ٸزدەستٸرۋ جۇمىستارىن جٷرگٸزۋ ارقىلى ستاحانوۆ كٶشەسٸندە ورنالاسقان گاراجداردىڭ اراسىنان Mercedes Benz كٶلٸگٸن انىقتادى. جٷرگٸزۋشٸسٸ 34 جاستاعى ازاماتتىڭ كٶلٸكتٸ ماس كٷيدە باسقارعانى انىقتالدى.
اتالعان فاكت بويىنشا اتىراۋ قالالىق پوليتسييا باسقارماسىنىڭ №1 پوليتسييا بٶلٸمٸ قىلمىستىق كودەكستٸڭ 345-بابىنىڭ 3-بٶلٸگٸمەن جەنە 347-بابىمەن قىلمىستىق ٸستٸ تٸركەدٸ. جەدەل تەرگەۋ توبى تەكسەرۋ امالدارىن جٷرگٸزٸپ جاتىر. كٷدٸكتٸ قاماۋعا الىندى" - دەلٸنگەن حابارلامادا.
