Foto: PD
Atyraý oblysy Erkinqala aýylynda mektep oqýshylary eki jasóspirimdi uryp-soǵý faktisi boiynsha tergeý júrgizilýde. Bul týraly oblystyq Politsiia departamenti habarlady.
Jábirlenýshilerdiń biriniń anasy ulyna shamamen segizge jýyq jasóspirimniń jabylyp, dene jaraqatyn salǵanyn málimdedi. Onyń aitýynsha, shabýyl jasaýshylardyń biri quqyq qorǵaý organdary qyzmetkeriniń balasy bolǵan.
"Ulymnyń denesi kógerip, murnynan qan ketip, psihologiialyq kúizeliske tústi. Olar bizge: «Eger bul týraly bireýge aitsańyzdar, taǵy da soqqyǵa jyǵamyz» dep eskertý jasady. Men úndemei qala almaimyn. Balam úshin alańdaimyn, biraq basqa balalarǵa da qaýip tónip turǵanyn oilasam, odan saiyn qorqamyn, – dedi jábirlenýshiniń anasy.
Qazirgi ýaqytta politsiiaǵa shaǵym túsirildi. Quqyq qorǵaý organdary oqiǵa boiynsha tekserý júrgizip, kinálilerge qatysty tiisti sharalar qoldanylatynyn aitty.
