فوتو: پد
اتىراۋ وبلىسى ەركٸنقالا اۋىلىندا مەكتەپ وقۋشىلارى ەكٸ جاسٶسپٸرٸمدٸ ۇرىپ-سوعۋ فاكتٸسٸ بويىنشا تەرگەۋ جٷرگٸزٸلۋدە. بۇل تۋرالى وبلىستىق پوليتسييا دەپارتامەنتٸ حابارلادى.
جەبٸرلەنۋشٸلەردٸڭ بٸرٸنٸڭ اناسى ۇلىنا شامامەن سەگٸزگە جۋىق جاسٶسپٸرٸمنٸڭ جابىلىپ, دەنە جاراقاتىن سالعانىن مەلٸمدەدٸ. ونىڭ ايتۋىنشا, شابۋىل جاساۋشىلاردىڭ بٸرٸ قۇقىق قورعاۋ ورگاندارى قىزمەتكەرٸنٸڭ بالاسى بولعان.
"ۇلىمنىڭ دەنەسٸ كٶگەرٸپ, مۇرنىنان قان كەتٸپ, پسيحولوگييالىق كٷيزەلٸسكە تٷستٸ. ولار بٸزگە: «ەگەر بۇل تۋرالى بٸرەۋگە ايتساڭىزدار, تاعى دا سوققىعا جىعامىز» دەپ ەسكەرتۋ جاسادى. مەن ٷندەمەي قالا المايمىن. بالام ٷشٸن الاڭدايمىن, بٸراق باسقا بالالارعا دا قاۋٸپ تٶنٸپ تۇرعانىن ويلاسام, ودان سايىن قورقامىن, – دەدٸ جەبٸرلەنۋشٸنٸڭ اناسى.
قازٸرگٸ ۋاقىتتا پوليتسيياعا شاعىم تٷسٸرٸلدٸ. قۇقىق قورعاۋ ورگاندارى وقيعا بويىنشا تەكسەرۋ جٷرگٸزٸپ, كٸنەلٸلەرگە قاتىستى تيٸستٸ شارالار قولدانىلاتىنىن ايتتى.
