Atyraýda Ulttyq quryltaidyń úshinshi jiyny bastaldy. Oǵan Prezident Qasym-Jomart Toqaev jáne quryltai músheleri qatysyp otyr, dep habarlaidy "Ult aqparat".
Buǵan deiin quryltaidyń alǵashqy jiyny ult uiasy - Ulytaýda ótti. Byltyr túrki áleminiń altyn besigi Túrkistanda jalǵasqan edi.
Túske deiin QR Prezidentiniń kómekshisi Rýslan Jeldibaidyń moderatorlyq etýimen «Azamattyq qoǵam» sektsiiasy, sondai-aq Mádeniet jáne aqparat ministri Aida Balaevanyń moderatorlyǵymen «Mádeniet. Óner. Rýhaniiat» sektsiiasy jumys istedi.
Al tústen keiin Premer-Ministrdiń orynbasary Tamara Dúisenovanyń jetekshiligimen «Áleýmettik-ekonomikalyq jáne aimaqtyq damý» sektsiiasynyń, Ǵylym jáne joǵary bilim ministri Saiasat Nurbektiń moderatorlyq jasaýymen «Bilim jáne ǵylym» sektsiiasynyń otyrysy ótti.
Jalpy alǵanda, tórt sektsiianyń jumysynda Ulttyq quryltaidyń 70-ke jýyq múshesi sóz sóilep, 100-den asa usynys pen bastama kóterildi.
Sektsiialarda aitylǵan usynystardyń basym bóligi qoǵam birligin odan ári nyǵaitýǵa, jalpyulttyq qundylyqtardy dáripteýge, eldiń ǵylymi áleýetin kóterýge, mádeniet salasyn qoldaýǵa, jergilikti ózin-ózi basqarý júiesin damytýǵa, kóshi-qon máselesin retteýge jáne qoǵamdaǵy ózge de ózekti máselelerge qatysty jasaldy.
Ulttyq quryltai músheleriniń mundai belsendi qyzmeti atalǵan azamattyq institýttyń qoǵam men memleket arasynda tiimdi dialog alańyna ainalǵanyn kórsetedi.
