Video kadry
Tyshqan qaptaǵan Mahambet aýdanynda mektep pen balabaqsha jabyldy, - dep habarlaidy Ult.kz ktk.kz-ke silteme jasap.
Atyraý oblysy Mahambet aýdanynda tyshqan qaptap, mektepter men balabaqshalar jabyldy. Buryn-sońdy mundaidy kórmegen turǵyndar shoshyp otyr. Jurtta indet tarap kete me degen úrei basym. Qaýipti kesel juqtyratyn kemirgishterdi turǵyndar kúni-túni óz betinshe ustap alyp, ile-shala órtep jatyr.
"Masqara bolyp jatyrmyz. Onshaqty kún boldy. Tyshqan qaptady. Sharbaǵymyz tyshqanǵa toly, úiimiz tyshqanǵa toly. Mysyq ta jep úlgermei jatyr. Ýly qaǵaz da jabystyryp, ý da salyp jatyrmyz, dezinfektsiia jasap jatyrmyz. Bul endi epidemiiaǵa alyp kelse, oǵan kim jaýap beredi?!" - dedi Saltanat Qadrahmanova.
Tyshqannyń jaǵymsyz iisimen tynystaý da múmkin emes deidi jurt. Mysyqtyń ózi olarǵa moiyn burmai qalypty. Qaptaǵan kemirgishter bir túnde úiden shyqqan deidi. Osylai aýlap, kemirgishterdiń kesirinen óńirde eki mektep, eki balabaqsha ýaqytsha jabylǵan. Óitkeni bul ǵimarattarda da tyshqan kóbeigen. 19 qarashadan beri balalar qashyqtan oqýǵa jiberilipti.
"Beibarys aýyl okrýginde kemirgish kóbeiip ketýine bailanysty okrýgtegi eki mektep qashyqtan oqytýǵa kóshirildi, eki balabaqsha jumysyn ýaqytsha toqtatty. Bul 19 qarashadan bastap, 20 qarasha kúni kemirgishterdi ýlai bastadyq. Ǵimarattardyń ishi-syrtyn ýlap, jaýyp tastap otyrmyz. Bul shema boiynsha bir aptaǵa sozylady", - deidi Mahambet aýdany bilim berý bóliminiń basshysy Venera Qabyshova.
Mamandar tyshqandardan synama alyp, aýrý belgisi joq depti. Al okrýg ákimi tyshqandar aýyldyń bárinde emes, sýǵa jaqyn, iaǵni shet jaqtaǵy úilerde kóp dep otyr. Dalany túgel ýlai almaimyz deidi. Ondai shara tek aýrý shyǵyp, karantinge jabylǵanda ǵana jasalady eken.
"Obaǵa qarsy qyzmet arnaiy dári jasaqtap berdi. Búgin ǵana qolymyzǵa berdi. Ony biz turǵyndarǵa taratamyz. Qazir aýrý shyqqan joq. Sondyqtan aýyl ainalasyn ýlai almaimyz. Eger ýlaityn jaǵdaida aýyl túgel karantinge jabylý kerek", - dedi Beibarys aýyl okýrýginiń ákimi Seiilbek Zulhashov.
Sheneýnikter kemirgishterge qarsy bidaiǵa aralas dárini ár turǵynnyń óz jaýapkershiligine beretinin aitty.
