ۆيدەو كادرى
تىشقان قاپتاعان ماحامبەت اۋدانىندا مەكتەپ پەن بالاباقشا جابىلدى, - دەپ حابارلايدى Ult.kz ktk.kz-كە سٸلتەمە جاساپ.
اتىراۋ وبلىسى ماحامبەت اۋدانىندا تىشقان قاپتاپ, مەكتەپتەر مەن بالاباقشالار جابىلدى. بۇرىن-سوڭدى مۇندايدى كٶرمەگەن تۇرعىندار شوشىپ وتىر. جۇرتتا ٸندەت تاراپ كەتە مە دەگەن ٷرەي باسىم. قاۋٸپتٸ كەسەل جۇقتىراتىن كەمٸرگٸشتەردٸ تۇرعىندار كٷنٸ-تٷنٸ ٶز بەتٸنشە ۇستاپ الىپ, ٸلە-شالا ٶرتەپ جاتىر.
"ماسقارا بولىپ جاتىرمىز. ونشاقتى كٷن بولدى. تىشقان قاپتادى. شارباعىمىز تىشقانعا تولى, ٷيٸمٸز تىشقانعا تولى. مىسىق تا جەپ ٷلگەرمەي جاتىر. ۋلى قاعاز دا جابىستىرىپ, ۋ دا سالىپ جاتىرمىز, دەزينفەكتسييا جاساپ جاتىرمىز. بۇل ەندٸ ەپيدەميياعا الىپ كەلسە, وعان كٸم جاۋاپ بەرەدٸ?!" - دەدٸ سالتانات قادراحمانوۆا.
تىشقاننىڭ جاعىمسىز يٸسٸمەن تىنىستاۋ دا مٷمكٸن ەمەس دەيدٸ جۇرت. مىسىقتىڭ ٶزٸ ولارعا مويىن بۇرماي قالىپتى. قاپتاعان كەمٸرگٸشتەر بٸر تٷندە ٷيدەن شىققان دەيدٸ. وسىلاي اۋلاپ, كەمٸرگٸشتەردٸڭ كەسٸرٸنەن ٶڭٸردە ەكٸ مەكتەپ, ەكٸ بالاباقشا ۋاقىتشا جابىلعان. ٶيتكەنٸ بۇل عيماراتتاردا دا تىشقان كٶبەيگەن. 19 قاراشادان بەرٸ بالالار قاشىقتان وقۋعا جٸبەرٸلٸپتٸ.
"بەيبارىس اۋىل وكرۋگٸندە كەمٸرگٸش كٶبەيٸپ كەتۋٸنە بايلانىستى وكرۋگتەگٸ ەكٸ مەكتەپ قاشىقتان وقىتۋعا كٶشٸرٸلدٸ, ەكٸ بالاباقشا جۇمىسىن ۋاقىتشا توقتاتتى. بۇل 19 قاراشادان باستاپ, 20 قاراشا كٷنٸ كەمٸرگٸشتەردٸ ۋلاي باستادىق. عيماراتتاردىڭ ٸشٸ-سىرتىن ۋلاپ, جاۋىپ تاستاپ وتىرمىز. بۇل سحەما بويىنشا بٸر اپتاعا سوزىلادى", - دەيدٸ ماحامبەت اۋدانى بٸلٸم بەرۋ بٶلٸمٸنٸڭ باسشىسى ۆەنەرا قابىشوۆا.
ماماندار تىشقانداردان سىناما الىپ, اۋرۋ بەلگٸسٸ جوق دەپتٸ. ال وكرۋگ ەكٸمٸ تىشقاندار اۋىلدىڭ بەرٸندە ەمەس, سۋعا جاقىن, ياعني شەت جاقتاعى ٷيلەردە كٶپ دەپ وتىر. دالانى تٷگەل ۋلاي المايمىز دەيدٸ. ونداي شارا تەك اۋرۋ شىعىپ, كارانتينگە جابىلعاندا عانا جاسالادى ەكەن.
"وباعا قارسى قىزمەت ارنايى دەرٸ جاساقتاپ بەردٸ. بٷگٸن عانا قولىمىزعا بەردٸ. ونى بٸز تۇرعىندارعا تاراتامىز. قازٸر اۋرۋ شىققان جوق. سوندىقتان اۋىل اينالاسىن ۋلاي المايمىز. ەگەر ۋلايتىن جاعدايدا اۋىل تٷگەل كارانتينگە جابىلۋ كەرەك", - دەدٸ بەيبارىس اۋىل وكۋرۋگٸنٸڭ ەكٸمٸ سەيٸلبەك زۇلحاشوۆ.
شەنەۋنٸكتەر كەمٸرگٸشتەرگە قارسى بيدايعا ارالاس دەرٸنٸ ەر تۇرعىننىڭ ٶز جاۋاپكەرشٸلٸگٸنە بەرەتٸنٸن ايتتى.
