Atyraýda shetel azamatynan 500 myń teńge bopsalaǵan teris dini aǵym ókilderi ustaldy, dep habarlaidy "Ult aqparat".
Oblystyq Politsiia departamenti baspasóz qyzmetiniń aqparatyna qaraǵanda, qalanyń eki turǵyny 24 tamyzda Ózbekstan Respýblikasynyń azamatyna kúsh qoldanyp, 500 myń teńge aqsha talap etken.
«Shetel azamaty kúsh kórsetýshilerdiń qolynan bosap shyqqan boida politsiia qyzmetkerlerine aryzdanǵan. Politseiler Ulttyq qaýipsizdik komiteti departamentiniń qyzmetkerlerimen birlese júrgizgen jedel-izdestirý sharasy kezinde Atyraý qalasynyń 37 jáne Jylyoi aýdanynyń 41 jastaǵy turǵynyn ustady. Olardan aiǵaqzat retinde Ózbekstannyń 44 jastaǵy azamatynan bopsalap alǵan aqsha tárkilendi. Ustalǵandardyń biri – buryn birneshe ret sottalǵan Jylyoi aýdanynyń turǵyny ýaqytsha ustaý izoliatoryna qamaldy. Al ekinshi kúdikti úiqamaqqa alyndy», - dep habarlady departamenttiń baspasóz qyzmetinen.
Qazir ustalǵan ekeýge qatysty QR Qylmystyq kodeksiniń «bopsalaý» babymen sotqa deiingi tergeý júrgizilýde. Alǵashqy tergeý barysynda eki kúdiktiniń destrýktivti dini aǵymdy ustanýshylar ekeni anyqtaldy.
