اتىراۋدا شەتەل ازاماتىنان 500 مىڭ تەڭگە بوپسالاعان تەرٸس دٸني اعىم ٶكٸلدەرٸ ۇستالدى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸ باسپاسٶز قىزمەتٸنٸڭ اقپاراتىنا قاراعاندا, قالانىڭ ەكٸ تۇرعىنى 24 تامىزدا ٶزبەكستان رەسپۋبليكاسىنىڭ ازاماتىنا كٷش قولدانىپ, 500 مىڭ تەڭگە اقشا تالاپ ەتكەن.
«شەتەل ازاماتى كٷش كٶرسەتۋشٸلەردٸڭ قولىنان بوساپ شىققان بويدا پوليتسييا قىزمەتكەرلەرٸنە ارىزدانعان. پوليتسەيلەر ۇلتتىق قاۋٸپسٸزدٸك كوميتەتٸ دەپارتامەنتٸنٸڭ قىزمەتكەرلەرٸمەن بٸرلەسە جٷرگٸزگەن جەدەل-ٸزدەستٸرۋ شاراسى كەزٸندە اتىراۋ قالاسىنىڭ 37 جەنە جىلىوي اۋدانىنىڭ 41 جاستاعى تۇرعىنىن ۇستادى. ولاردان ايعاقزات رەتٸندە ٶزبەكستاننىڭ 44 جاستاعى ازاماتىنان بوپسالاپ العان اقشا تەركٸلەندٸ. ۇستالعانداردىڭ بٸرٸ – بۇرىن بٸرنەشە رەت سوتتالعان جىلىوي اۋدانىنىڭ تۇرعىنى ۋاقىتشا ۇستاۋ يزولياتورىنا قامالدى. ال ەكٸنشٸ كٷدٸكتٸ ٷيقاماققا الىندى», - دەپ حابارلادى دەپارتامەنتتٸڭ باسپاسٶز قىزمەتٸنەن.
قازٸر ۇستالعان ەكەۋگە قاتىستى قر قىلمىستىق كودەكسٸنٸڭ «بوپسالاۋ» بابىمەن سوتقا دەيٸنگٸ تەرگەۋ جٷرگٸزٸلۋدە. العاشقى تەرگەۋ بارىسىندا ەكٸ كٷدٸكتٸنٸڭ دەسترۋكتيۆتٸ دٸني اعىمدى ۇستانۋشىلار ەكەنٸ انىقتالدى.
