Atyraý oblysynda koronavirýs infektsiiasy anyqtalǵan naýqastyń biri «Teńiz» kenishinde jumys istegen, - dep habarlaidy kompaniianyń baspasóz qyzmeti.
Óńirlik kommýnikatsiialar qyzmetiniń habarlaýynsha, 50 jastaǵy áiel «Teńizshevroil» JShS-ne qarasty merdiger mekemeniń birinde jumys istegen. Ol «Vaternas» vahtalyq qalashyǵynda turǵan.
«Bul oqiǵa kompaniianyń óndiristik jumysyna áser etpeidi. «Teńizshevroil» kompaniiasy qyzmetkerlerin virýstan qorǵaý úshin barlyq jaǵdaidy jasady. Qazir mundaǵy barlyq nysanda dezinfektsiialaý jumystary turaqty júrgizilýde» - delingen habarlamada.
Naýqas áiel infektsiialyq izoliatorǵa jatqyzyldy. Onymen qarym-qatynas jasaǵan adamdar anyqtalyp, oqshaýlanyp jatyr.
