Atyraýda taǵy bir ýniversitet ujymy arnaiy qorǵa bir kúndik jalaqysyn aýdardy, dep habarlaidy QazAqparat.
Bul bastamaǵa óńirdegi baiyrǵy joǵary oqý orny – H.Dosmuhamedov atyndaǵy Atyraý ýniversitetiniń professor-oqytýshylary men qyzmetkerleri qoldaý bildirip otyr.
«Memleket basshysynyń bastamasymen qurylǵan «Qazaqstan halqyna» qoǵamdyq áleýmettik qoryna bir kúndik jalaqymyzdy aýdarý týraly biraýyzdan sheshim qabyldadyq. Óitkeni, qazir jeke adamdar, eńbek ujymdary, kompaniialar osy qorǵa qarajat aýdaryp jatyr. Maqsatymyz – elimizdegi áleýmettik jaǵdaidyń oń sheshimin taýyp, qiyndyqty eńserýge arnalǵan búkilhalyqtyq ortaq iske úlesimizdi qosý.
Sondyqtan bizdiń ýniversitettiń ujymy «Kúshimiz – birlikte» ekenin kórsetip, qinalǵan jandarǵa qoldaý kórsetýdi paryz sanaidy», - deidi ýniversitet rektory Salamat Idrisov.
Buǵan deiin S.Ótebaev atyndaǵy munai jáne gaz ýniversitetiniń ujymy «Qazaqstan halqyna» qoryna bir kúndik jalaqysyn aýdarǵanyn jazǵan edik.
