اتىراۋدا تاعى بٸر ۋنيۆەرسيتەت ۇجىمى ارنايى قورعا بٸر كٷندٸك جالاقىسىن اۋداردى, دەپ حابارلايدى قازاقپارات.
بۇل باستاماعا ٶڭٸردەگٸ بايىرعى جوعارى وقۋ ورنى – ح.دوسمۇحامەدوۆ اتىنداعى اتىراۋ ۋنيۆەرسيتەتٸنٸڭ پروفەسسور-وقىتۋشىلارى مەن قىزمەتكەرلەرٸ قولداۋ بٸلدٸرٸپ وتىر.
«مەملەكەت باسشىسىنىڭ باستاماسىمەن قۇرىلعان «قازاقستان حالقىنا» قوعامدىق ەلەۋمەتتٸك قورىنا بٸر كٷندٸك جالاقىمىزدى اۋدارۋ تۋرالى بٸراۋىزدان شەشٸم قابىلدادىق. ٶيتكەنٸ, قازٸر جەكە ادامدار, ەڭبەك ۇجىمدارى, كومپانييالار وسى قورعا قاراجات اۋدارىپ جاتىر. ماقساتىمىز – ەلٸمٸزدەگٸ ەلەۋمەتتٸك جاعدايدىڭ وڭ شەشٸمٸن تاۋىپ, قيىندىقتى ەڭسەرۋگە ارنالعان بٷكٸلحالىقتىق ورتاق ٸسكە ٷلەسٸمٸزدٸ قوسۋ.
سوندىقتان بٸزدٸڭ ۋنيۆەرسيتەتتٸڭ ۇجىمى «كٷشٸمٸز – بٸرلٸكتە» ەكەنٸن كٶرسەتٸپ, قينالعان جاندارعا قولداۋ كٶرسەتۋدٸ پارىز سانايدى», - دەيدٸ ۋنيۆەرسيتەت رەكتورى سالامات يدريسوۆ.
بۇعان دەيٸن س.ٶتەباەۆ اتىنداعى مۇناي جەنە گاز ۋنيۆەرسيتەتٸنٸڭ ۇجىمى «قازاقستان حالقىنا» قورىنا بٸر كٷندٸك جالاقىسىن اۋدارعانىن جازعان ەدٸك.
