Foto: azh.kz
Spýtniktik túsirilimder arqyly Atyraý oblysynyń aýmaǵynan ruqsatsyz qaldyqtar tastalǵan oryndardyń 20-sy Atyraý qalasynyń, al 7-i Mahambet aýdanynyń aýmaǵynda ornalasqany anyqtaldy, dep jazady "Aq jaiyq" basylymy.
Osyǵan bailanysty 1 shilde kúni Atyraý oblysy boiynsha ekologiia departamenti "Arnaýlyavtobaza" JShS-niń kommýnaldyq qyzmetkerlerimen birlesip, reid uiymdastyrdy.
Reid barysynda Saryózek yqshamaýdany mańyndaǵy birneshe zańsyz qoqys alańy arnaiy tehnikanyń kómegimen tazartyldy. Oǵan úsh tehnika men kommýnaldyq qyzmetkerler jumyldyryldy.
Ekologiia departamentiniń málimetinshe, qalalyq turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimi men oblystyq Politsiia departamenti ókilderimen birlesken reidter turaqty túrde ótkizilip keledi. Bul sharalardyń maqsaty - zańsyz turmystyq qaldyq tastaýshylardy anyqtap, ákimshilik jaýapkershilikke tartý.
– "Qazaqstan Ǵarysh Sapary" UK" AQ spýtniktik júie arqyly anyqtalǵan barlyq 27 oryn boiynsha jergilikti atqarýshy organdarǵa tazalaý jumystaryn júrgizý týraly hattar joldandy, – dep habarlady ekologiia departamentiniń baspasóz qyzmeti.
