فوتو: azh.kz
سپۋتنيكتٸك تٷسٸرٸلٸمدەر ارقىلى اتىراۋ وبلىسىنىڭ اۋماعىنان رۇقساتسىز قالدىقتار تاستالعان ورىنداردىڭ 20-سى اتىراۋ قالاسىنىڭ, ال 7-ٸ ماحامبەت اۋدانىنىڭ اۋماعىندا ورنالاسقانى انىقتالدى, دەپ جازادى "اق جايىق" باسىلىمى.
وسىعان بايلانىستى 1 شٸلدە كٷنٸ اتىراۋ وبلىسى بويىنشا ەكولوگييا دەپارتامەنتٸ "ارناۋلىاۆتوبازا" جشس-نٸڭ كوممۋنالدىق قىزمەتكەرلەرٸمەن بٸرلەسٸپ, رەيد ۇيىمداستىردى.
رەيد بارىسىندا سارىٶزەك ىقشاماۋدانى ماڭىنداعى بٸرنەشە زاڭسىز قوقىس الاڭى ارنايى تەحنيكانىڭ كٶمەگٸمەن تازارتىلدى. وعان ٷش تەحنيكا مەن كوممۋنالدىق قىزمەتكەرلەر جۇمىلدىرىلدى.
ەكولوگييا دەپارتامەنتٸنٸڭ مەلٸمەتٸنشە, قالالىق تۇرعىن ٷي-كوممۋنالدىق شارۋاشىلىعى, جولاۋشىلار كٶلٸگٸ جەنە اۆتوموبيل جولدارى بٶلٸمٸ مەن وبلىستىق پوليتسييا دەپارتامەنتٸ ٶكٸلدەرٸمەن بٸرلەسكەن رەيدتەر تۇراقتى تٷردە ٶتكٸزٸلٸپ كەلەدٸ. بۇل شارالاردىڭ ماقساتى - زاڭسىز تۇرمىستىق قالدىق تاستاۋشىلاردى انىقتاپ, ەكٸمشٸلٸك جاۋاپكەرشٸلٸككە تارتۋ.
– "قازاقستان عارىش ساپارى" ۇك" اق سپۋتنيكتٸك جٷيە ارقىلى انىقتالعان بارلىق 27 ورىن بويىنشا جەرگٸلٸكتٸ اتقارۋشى ورگاندارعا تازالاۋ جۇمىستارىن جٷرگٸزۋ تۋرالى حاتتار جولداندى, – دەپ حابارلادى ەكولوگييا دەپارتامەنتٸنٸڭ باسپاسٶز قىزمەتٸ.
