Atyraý oblysynda Jaiyq ózeniniń saǵasynda, Kaspii teńiziniń jaǵalaýynda ornalasqan «Aqjaiyq» tabiǵi rezervatynda shaǵala men sýquzǵyndar jappai qyrylyp jatyr, dep habarlaidy "Ult aqparat".
Qazirgi tańda sýquzǵynnyń 40 jáne shaǵalanyń 5 óleksesi tabylǵan. Qustardyń neden bulai qyrylyp jatqany belgisiz.
«Tiisti biomaterialdar alynyp, astanadaǵy veterinariia boiynsha ulttyq referent ortalyǵyna jiberilgen. Atyraý oblysy ekologiia departamentiniń mamandary rezervattaǵy sý, aýa jáne topyraqtan synama aldy. Endi soǵan taldaý júrgizedi» dep málim etti orman sharýashylyǵy jáne janýarlar álemi aýmaqtyq inspektsiiasynyń baspasóz qyzmeti.
