Atyraýda «Saraishyq» kommýnaldyq bazary órtendi, dep habarlaidy "Ult aqparat".
Oblystyq tótenshe jaǵdailar departamentiniń málimetine sensek, órt búgin, 16 shilde saǵat 14:52-de tutanǵan.
«Nursaia móltekaýdany, K.Mádenov kóshesiniń 1 «A» mekenjaiyndaǵy «Saraishyq» kommýnaldyq bazarynyń ishinde ornalasqan 50 sharshy metrlik 3 azyq-túlik dúńgirshegi otqa orandy. Órt sóndirýshiler oqiǵa ornyna 6 minýtta jetti. Jalyn saǵat 15:15-te oqshaýlanyp, 15:51-de tolyq sóndirildi» dep habarlady baspasóz qyzmetinen.
Oqys oqiǵadan eshkim zardap shekpegen. Qazir órttiń shyǵý sebebi anyqtalyp jatyr.
